ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Մաթեմատիկայի և նրա դասավանդման մեթոդիկայի ամբիոնը վերակազմավորվել է 2016 թվականին` Մաթեմատիկայի դասավանդման մոթոդիկայի, Բարձրագույն հանրահաշվի և երկրաչափության, Մաթ.անալիզի և ֆունկցիաների տեսության ամբիոնների միավորման արդյունքում: Ամբիոնում աշխատում է գիտությունների 9 դոկտոր, 1 ակադեմիկոս, 9 պրոֆեսոր, 10 թեկնածու, 10 դոցենտ:

Վերջին 10 տարիների ընթացքում ամբիոնում պաշտպանել են 10 ատենախոսություններ: Ներկայումս ամբիոնն ունի 3 հայցորդ և 1 ասպիրանտ: Ամբիոնի ներկայիս աշխատակիցների կողմից հրատարակվել է ավելի քան 1000 գիտական աշխատանք` տեղական, միջազգային ամսագրերում` գրանցված միջազգային գիտաչափական շտեմարաններում:

Ամբիոնի աշխատակիցների կողմից հրատարակվել են նաև հանրակրթական տարրական դպրոցի մաթեմատիկայի, միջին դպրոցի հանրահաշվի, ավագ դպրոցի երկրաչափության և բարձրագույն հանրահաշվի, բարձրագույն երկրաչափության և բուհական մի շարք այլ դասագրքեր, մենագրություններ, մեթոդական ձեռնարկներ, գիտամեթոդական ժողովածուներ:

Ամբիոնում գործում է «Մաթեմատիկական կրթություն» գիտամեթոդական սեմինարը: Ամբիոնը 2013-2018թթ. կազմակերպել է «Մաթեմատիկական կրթություն 1-6» վեց միջազգային գիտաժողովներ, որոնց մասնակցել են ՌԴ-ի, Բելառուսի, Ղազախստանի, Սլովենիայի, Ուկրաինայի մասնագետները: Անցկացված բոլոր գիտաժողովների նյութերը հրատարակվել են առանձին գիտական ժողովածուներով: Ամբիոնի աշխատակիցները մասնակցել են ՀՀ-ում, ՌԴ-ում, Ուկրաինայիում, Ավստրիայում կազմակերպված բազմաթիվ գիտաժողովների, հանդես եկել պլենար և խմբային զեկուցումներով: Ամբիոնի դասախոսները մասնակցել և զեկուցումով հանդես են եկել Մաթեմատիկայի, ինչպես նաև Մաթեմատիկական կրթության համաշխարհային վեհաժողովներին: Ամբիոնը ակտիվորեն մասնակցել և մասնակցում է Եվրամիության TEMPUS և ERASMUS+ կրեդիտային շարժունության ծրագերին։

Ամբիոնի հիմնական գիտական ուղղություններն են`

• Արժեքները և նրանց ձևավորումը մաթեմատիկայի ուսուցման գործընթացում:
• Միջին և ավագ դպրոցում մաթեմատիկայի ուսուցման արդյունավետության բարձրացման հիմնահարցը:
• Մաթեմատիկայի դասավանդման մեթոդիկա. նորարարական մեթոդներ. ուսուցման կոլեկտիվ եղանակ:
• Ենթաբազմաձևությունների տեսություն:
• Ինտեգրալ դիֆերենցիալ հավասարումներ, ֆակտորիազացիա:
• Բուլյան և դ'Մորգանի ֆունկիցիաներ, քվազիխմբերի տեսություն:
• Թաղանթների տեսության դիֆերենցիալ հավասարումների սպեկտրալ անալիզ:
• Դեֆորմացվող պինդ մարմնի մեխանիկա, սեյսմոլոգիա, սպեկտրալ անալիզ:
• Ալիքային տեսության մեթոդների կիրառությունը փոփոխվող տնտեսական համակարգերում:

Ամբիոնում բազային ֆինանսավորման հիմունքներով իրականացվում է «Մաթեմատիկայի դպրոցական դասընթացի գիտամանկավարժական և արժեբանական հիմունքները կրթական նոր հարացույցի պայմաններում» ծրագիրը:

Ամբիոնը կազմավորվել է 1959 թվականին «Մեքենագիտության և նյութերի մշակման» անվանմամբ։ 1967 թվականին ամբիոնը փակվել է, վերաբացվել է 1969թ․-ին: 2012 թվականին վերակազմավորվել է «Մեքենագիտության, ընդհանուր տեխնիկական առարկաների և նրանց դասավանդման մեթոդիկայի» ամբիոնի՝ «Մեքենագիտության և նյութերի մշակման» և «Ընդանուր տեխնիկական առարկաների և նրանց դասավանդման մեթոդիկա» ամբիոնների միավորման արդյունքում, իսկ 2015թ․-ին վերանվանվել է «Տեխնոլոգիական կրթության» ամբիոն։

Ամբիոնին կից գործում են «Համակարգչային գրաֆիկա և ռոբոտոտեխնիկա», «Հագուստի մոդելավորման և սննդի պատրաստման տեխնոլոգիա» լաբորատորիաները, «Մետաղամշակման» և «Փայտամշակման» արհեստանոցները: Ամբիոնի առարկաների գծով բակալավրի և մագիստրատուրայի ուսանողներն անցնում են ուսումնական և արտադրական պրակտիկա «Ինտերստանոկ» ԳԱԲԲԸ և ՓԲԸ «Ռուսալ-Արմենալ» գործարաններում, «ԻՆՖՈՒՍ» ֆորմալ և ոչ ֆորմալ կրթությանն աջակցող ՀԿ-ում, ինչպես նաև ՀՀ բանկերում։

Ամբիոնը համագործակցում է ՀՀ ԳԱԱ Ֆիզիկայի Կիրառական Պրոբլեմների Ինստիտուտ ՊՈԱԿ-ի հետ, ինչպես նաև ՀՊՃՀ-ի մետալուրգայի և նյութագիտության պրոբլեմային լաբորատորիայի հետ: Ամբիոնում ներկայումս աշխատում են 2 պրոֆեսոր և 4 դոցենտ: Ամբիոնն ունի մանկավարժական գիտությունների թեկնածուի գիտական աստիճանի հայցման 3 հայցորդ:

Ամբիոնի աշխատակիցները ակտիվորեն մասնակցում են ինչպես հանրապետության, այնպես էլ այլ երկրներում կազմակերպվող սեմինարներին, գիտաժողովներին:

Ամբիոնի դասախոսները ներգրավված են «Տեխնոլոգիա» առարկայի չափորոշիչների մշակման և դասագրքերի ստեղծման գործընթացներում։

Ամբիոնում զարգացնում են հետևյալ հիմնական գիտական ուղղությունները`

• Միջին դպրոցում տեխնոլոգիայի ուսուցման արդյունավետության բարձրացման հիմնահարցը,
• Տեխնոլոգիայի դասավանդման մեթոդիկա, նորարարական մեթոդներ,
• Ինժեներական մտածողության ձևավորումը տեխնոլոգիայի ուսուցման գործընթացում,
• Ստեղծագործական և տեխնիկական կարողունակության զարգացման տեսական և գիտափորձարարական մեթոդների հետազոտումը,
• Մակերևութային ճարտարագիտության, ժամանակակից մետաղների մշակման հումքատնտեսող տեխնոլոգիաներ։

Ֆիզիկայի և նրա դասավանդման մեթոդիկայի ամբիոնը կազմավորվել է 2012 թվականին: Ամբիոնի գործունեության հիմնական գիտական ուղղություններն են՝

• Կրթական համակարգի արդի բարեփոխումները և ֆիզիկայի ուսուցիչների մասնագիտական կոմպետենցիաների ձևավորման խնդիրը մանկավարժական բուհերում,
• Ֆիզիկայի ուսուցման կատարելագործումը մանկավարժական բուհում և հանրակրթական դպրոցում,
• Կրթական համակարգի արդի բարեփոխումները և ֆիզիկայի ուսուցման մեթոդիկայի հիմնախնդիրները ավագ դպրոցում,
• Նյութագիտությանը, լազերային համակարգերին, հեռահաղորդակցության, սենսորիկային առընչվող տեսական և փորձարարական աշխատանքների իրականացում:

Ամբիոնը մշտապես ուշադրության կենտրոնում է պահում գիտահետազոտական աշխատանքների իրականացման գործընթացը, կազմակերպում է միջազգային կոնֆերանսներ, սեմինարներ, որտեղ ընդգրկում է նաև ուսանողներին: Ամբիոնի պրոֆեսորադասախոսական կազմի կողմից շարունակաբար տպագրվում են բազմաթիվ գիտական հոդվածներ, որոնց մեծ մասը բարձր վարկանիշ ունեցող ամսագրերում, որոնք ներառված են Scopus , WoS և այլ հայտնի շտեմարաններում։

Ամբիոնը ներկայումս համագործակցում է՝

• ՀՀ ԳԱԱ ֆիզիկական հետազոտությունների ինստիտուտի,
• Ալիխանյանի անվան ազգային գիտական լաբորատորիայի (Երևանի ֆիզիկայի ինստիտուտ),
• Ֆրանսիայի Լորենի համալսարանի Օպտիկակական Նյութերի և Ֆոտոնիկական համակարգերի լաբորատորիայի (LMOPS),
• Ստեղծագործական և տեխնիկական կարողունակության զարգացման տեսական և գիտափորձարարական մեթոդների հետազոտումը
• Իտալիայի Պադովայի համալսարանի Ֆիզիկայի ֆակուլտետի,
• Իտալիայի Պավիայի համալսարանի,
• Ամերիկայի Միացյալ Նահանգների Սան Անտոնիոյի և Բոզեմանի համալսարանների ֆիզիկայի ֆակուլտետների հետ:

Համագործակցության շրջանակներում ամբիոնը հնարավորություն է ստեղծում բակալավրիատի, մագիստրատուրայի և ասպիրանտուրայի ուսանողների համար իրենց գիտական հետազոտությունների մի մասն անցկացնել Եվրոպայի և Ամերիկայի Միացյալ Նահանգների լավագույն բուհերում։

Ամբիոնը հիմնադրվել է 1987 թվականին` Ֆիզիկամաթեմատկական ֆակուլտետի կազմում:

Ամբիոնի հիմնադրման և կազմավորման գործում մեծ ավանդ ունի ներկայումս ամբիոնի պրոֆեսոր, մանկավարժական գիտությունների թեկնածու Մկրտիչ Սահրադյանը, ով 1987-2009 թվականներին եղել է ամբիոնի վարիչ:

2011թ. ամբիոնը վերանվավել է «Ինֆորմատիկայի և դրա դասավանդման մեթոդիկայի» և ընդգրկվել Մաթեմատիկայի, ֆիզիկայի և ինֆորմատիկայի ֆակուլտետի կազմում:

Ամբիոնը պատրաստում է «Ինֆորմատիկա» մասնագիտությամբ մանկավարժության բակալավր և մանկավարժության մագիստրոս որակավորմամբ մասնագետներ, որոնք կարող են աշխատել և դպրոցներում՝ որպես ինֆորմատիկայի ուսուցիչներ, և կազմակերպություններում, ընկերություններում՝ որպես ծրագրավորման, հաշվողական ցանցերի և ինֆորմացիոն տեխնոլոգիաների մասնագետներ:

Ամբիոնն ունի մանկավարժական գիտությունների թեկնածուի գիտական աստիճանի հայցման 2 հայցորդներ՝ ԺԳ.00.02 Դասավանդման և դաստիարակության մեթոդիկա (ինֆորմատիկա) մասնագիտությամբ:

Ամբիոնն ակտիվորեն մասնակցում է համալսարանի ինֆորմատիզացիայի, ուսումնական գործընթացի ավտոմատացման, այդ թվում՝ տարբեր մասնագիտությունների գծով էլեկտրոնային ուսումնական նյութերի, դասընթացների և հեռավար ուսուցման համար անհրաժեշտ մասնագիտական բազայի ստեղծմանը:

Ամբիոնում ներկայումս աշխատում են 2 պրոֆեսոր, 10 դոցենտ, 3 ասիստենտ, 3 դասախոս: Ամբիոնի դասախոսներն ակտիվորեն մասնակցում են ինչպես Հանրապետության, այնպես էլ այլ երկրներում կազմակերպվող սեմինարներին, գիտաժողովներին:

Ամբիոնի պրոֆեսորադասախոսական անձնակազմի կողմից հրապարակված են բազմաթիվ գիտական, ուսումնական և ուսումնամեթոդական աշխատանքներ (30 ուսումնական և ուսումնամեթոդական ձեռնարկներ, շուրջ 250 հոդվածներ):

Թեկնածուական թեզ են պաշտպանել 3 ասպիրանտ և 3 հայցորդ:

Ամբիոնն ունի 9 համակարգչային լսարան, որոնք հագեցած են ժամանակակից համակարգչային տեխնիկայով, էլեկտրոնային գրատախտակներով, լուսածրիչներով, տեղային և ինտերնետ ցանցով:

Ամբիոնի դասախոսները վարում են դասախոսություններ, կատարում լաբորատոր և գործնական աշխատանքներ՝ համալսարանի բոլոր ֆակուլտետների՝ բակալավրի, մագիստրատուրայի առկա և հեռակա ուսուցման համակարգի ուսանողների համար:

Վիրտուալ շրջագայություն