ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Արտասահմանյան գրականության ամբիոնը վերանվանվել է 2013 թվականին՝ առանձնանալով դեռևս 1930-ական թվականների կեսերին Բանասիրական ֆակուլտետի գրականությունների միացյալ ամբիոնից, տարիներ հետո նաև ռուս գրականության ամբիոնից:

Ամբիոնում տարբեր ժամանակահատվածներում աշխատել են ճանաչված գիտնականններ՝ ՀՀ ԳԱԱ ակադեմիկոս Ա. Գրիգորյանը, պրոֆեսորներ Պ. Սահակյանը, Է. Նուրալովը, Կ. Մատինյանը, Տ. Սիմյանը և այլք:

Ամբիոնը մշտապես ակտիվ մասնակցություն է ցուցաբերում գիտականակրթական տարբեր միջոցառումների. բազմիցս արժանացել է պատվոգրերի և շնորհակալագրերի:

2007 թվականից ամբիոնը կազմակերպում է գիտաժողովներ, հրատարակում է նյութեր: Մինչ օրս անցկացվել է 14 միջբուհական գիտաժողով, որոնց մասնակցել են ՀՊՄՀ-ի տարբեր ամբիոնների, ԵՊՀ-ի, Վ. Բրյուսովի անվան պետական համալսարանի, Մ. Աբեղյանի անվան Գրականության ինստիտուտի աշխատակիցներ, ինչպես նաև ՀՊՄՀ-ի հայցորդներ և մագիստրոսներ: Գիտաժողովի նյութերը (114 հոդված) զետեղվել են ամբիոնի տարեգրքերում:

Ռուսաց լեզվի և նրա դասավանդման մեթոդիկայի ամբիոնը հանրապետությունում ռուսաց լեզվի դասավանդման կարևոր կենտրոններից մեկն է.հիմնադրվել է 1922 թվականին:

Բազմազան են ամբիոնում տարվող հետազոտությունների ուղղությունները՝ գիտատեսական, մեթոդական, բառարանագրական, դասագրքաստեղծ աշխատանքներ:

2017 թվականին ՀՊՄՀ-ի և ՌԴ Ա. Ս. Պուշկինի անվան ռուսաց լեզվի պետական ինստիտուտի միջև կնքվեց համագործակցության մասին հուշագիր, ինչը ևս նպաստում է բուհում ռուսաց լեզվի դասավանդմանը, թեստավորմանը, որակավորման բարձրացմանը, մասնագիտական վերապատրաստմանը, թեստագետների պատրաստմանը:

Համաձայնագրի շրջանակներում կազմակերպվում են համատեղ օլիմպիադաներ, ռուսաց լեզվի, գրականության և մշակույթի իմացությանը, ինչպես նաև ազգային լեզվին առնչվող ստեղծագործական տարբեր մրցույթներ:

Ամբիոնի կայքի հասցեն է՝ http://kafrusagpu.ru.gg/:

Ռոմանագերմանական լեզուների և դրանց դասավանդման մեթոդիկայի ամբիոնը հիմնադրվել է 2000-2001 ուսումնական տարում` Ռուս բանասիրության և ռոմանագերմանական լեզուների ֆակուլտետում սպասարկելու օտար լեզուների մասնագիտական ուսուցման բլոկը:

Նոր կրթական չափանիշներին և բուհի բարեփոխումներին համապատասխանելու նպատակով՝ ամբիոնը վերանվանվել է գերմանական լեզուների:

2007-2008 ուսումնական տարում սկիզբ դրվեց հավելյալ կամ ընտրական «Թարգմանչաց գործ» մասնագիտացման, որը ներառում է գործնական թարգմանության դասընթացների ամբողջական շարք և նպատակ ունենի զարգացնել ինչպես բանավոր, այնպես էլ գրավոր թարգմանության հմտությունները:

Ռոմանական լեզուների և Օտար լեզուների դասավանդման մեթոդիկայի ամբիոնների միավորմամբ ստեղծվում է Ռոմանագերմանական լեզուների և դրանց դասավանդման մեթոդիկայի:

Ամբիոնում աշխատում է 5 պրոֆեսոր, 11 դոցենտ, 14 դասախոս և 1 մասնագետ, ինչպես՝ ընդհանուր, այնպես էլ որոշակի նեղ մասնագիտացումներով:

Օտար լեզուների ուսուցման ամբիոնը նախկինում կոչվել է Արտասահմանյան լեզուների և նրանց դասավանդման մեթոդիկայի: 2012 թվականին ամբիոնը վերանվանվել է Անգլերեն լեզվի ուսուցման, իսկ 2017 թվականից՝ Օտար լեզուների ուսուցման:

Ամբիոնի ուսումնադաստիարակչական և գիտամեթոդական գործառույթներն իրականացում է 20 դասախոս. 3 գիտությունների թեկնածու, դոցենտ, 2գիտությունների թեկնածու, 4 հայցորդ:

Ամբիոնն իրականացնում է գիտամեթոդական հետազոտությունների համալիր աշխատանք` ներառելով օտար լեզուների դասավանդման ժամանակակից մեթոդաբանության, պահանջների և ռազմավարության բոլոր հիմնական դրույթները:

Իրականացնելով ուսումնամեթոդական գործունեություն համալսարանի բոլոր 10 ֆակուլտետներում՝ ամբիոնի դասախոսները դասավանդում են ուսուցման նորագույն մեթոդների և մոտեցումների կիրառմամբ, փորձում տեղայնացնել արտասահմանյան օրինակելի փորձը և լուծել ամբիոնի առաջ դրված խնդիրները: